|
Ný stafræn prentvél í offsetgæðum |
|
Ný stafræn prentvél bættist í vélakost okkar fyrir áramótin og erum við því að stíga skrefið inn í stafræna prentheiminn, sem við höfum ekki tilheyrt áður að neinu gagni.
Helsta ástæðan var að okkur fannst gæði slíkra véla ekki vera nægilega góð. Nú eru hinsvegar komnar vélar á markaðinn sem ná offsetgæðum, eða því sem næst.
Stafræna vélin hentar vel í minni upplög og hraða afgreiðslu. Nú getur þú t.d. pantað hjá okkur 100 bæklinga að morgni og fengið afgreitt samdægurs, og í góðum gæðum, og nafnspjöldin sem þú pantar alltaf of seint, við reddum því.
Í fyrra tókum við í gagnið nýja plötugerðarvél fyrir offsetvélarnar okkar þar sem
engin spilliefni koma við sögu. Platan skrifast einungis með leisergeisla og engrar framköllunar er þörf. Örfáar prentsmiðjur á landinu geta státað af því að nota engin spilliefni í offsetplötugerð.
Litróf stefnir á að verða umhverfisvottuð prentsmiðja á næstu vikum. Við notum jurtaliti á prentvélarnar okkar og hreinsum þær með jurtaolíu, og vottuðum hreinsiefnum.
|
|
|
Skotveiði í máli og myndum |
|
 Skemmtileg bók um skotveiði og ríkulega myndskreytt
Hér ræðir Guðmundur Guðjónsson við nokkra af fremstu skotveiðimönnum og konum landsins og hefur hver og ein(n) frá mörgu að segja af samskiptum sínum við bráðina, fiðraða eða ferfætta, aðstæðurnar og náttúru landsins sem sýnir allar sínar fegurstu og jafnframt hörkulegustu hliðar þegar menn eru á fjöllum og í óbyggðum, eða ofan í skurðum, á öllum tímum árs við hin ýmsu veðurskilyrði.
- Hvað drífur menn áfram?
- Hvað er það sem heillar við skotveiðar?
Þetta er bók sem allir skotveiðimenn(og konur) munu skemmta sér yfir, enn fremur bók fyrir þá mörgu sem vilja stíga fyrstu skrefin, leið til að kynnast hugarheimi skotveiðinnar.
Fæst hjá útgefanda og á öllum helstu bóksölustöðum.
|
|
|
 Nú er hún kominn út í tuttugasta og þriðja sinn. Stangveiði á Íslandi 2011. Bækurnar hafa komið út á hverju ári síðan 1988. Vötn og veiði er ómissandi heimilda- og skemmtirit fyrir veiðimanninn. Frábærar sögur undir ritstjórn Guðmundar Guðjónssonar, sögur frá veiðisumarinu 2011, ýmsar fréttir og fjöldi frábærra mynda.
Stangveiði á Íslandi 2011, veiðisögur, veiðisvæði, veiðifréttir og veiðimenn.
Þetta er vönduð og eiguleg bók og er til sölu í öllum helstu bóka- og veiðibúðum landsins og á vefsíðunni www.votnogveidi.is
|
|
|
Glæsileg bók um Grímsá og Tunguá |
Grímsá og Tunguá eru oftast nefndar í sömu andránni og eru saman eitt af betri laxveiðisvæðum landsins
Fjölbreytni svæðisins í umhverfi og veiðistöðum er viðbrugðið. Þetta er auk þess ein af þeim laxveiðiám landsins þar sem sagan er rituð á hvern stein og í hverja þúfu, streng og foss. Þetta er þriðja bókin í ritröð Litrófs um íslenskar laxveiðiár, áður hafa komið bækur um Langá á Mýrum og Laxá í Kjós.
Umsjónarmenn eru hinir sömu, Guðmundur Guðjónsson ritstjóri, www.votnogveidi.is, www.veidislod.is og Íslensku stangaveiðiárbókarinnar, ritstýrir bókinni og tekur saman í hana fjölbreytt efni, og Einar Falur Ingólfsson ljósmyndari og blaðamaður á Morgunblaðinu sér um ljósmyndirnar.
|
|
|
